മഴക്കാലം വരുന്നതോടെ വീടുകളില് ഈച്ചകളുടെ ശല്യം പെട്ടെന്ന് വര്ദ്ധിക്കുന്നു. അടുക്കള മുതല് ഡൈനിംഗ് ടേബിള് വരെ എല്ലായിടത്തും ഈച്ചകളുണ്ട്. മഴക്കാലമല്ലേ, ഈച്ചയുണ്ടാകുന്നത് സാധാരണമാണെന്ന് കരുതി അവയെ അവഗണിക്കുന്നത് ആരോഗ്യത്തിന് ഹാനികരമാകും. ദോഷകരമായ നിരവധി ബാക്ടീരിയകളും അണുബാധകളും വ്യാപിപ്പിക്കാന് ഈച്ചകള്ക്ക് കഴിയും. അതുകൊണ്ടുതന്നെയാണ് ഈച്ചശല്യം ഒരു ശുചിത്വ, ആരോഗ്യ പ്രശ്നമായിക്കൂടി കണക്കാക്കുന്നത്.
ലോകാരോഗ്യ സംഘടനയുടെ അഭിപ്രായത്തില് ഈച്ചകള് അഴുക്ക്, മാലിന്യങ്ങള്, അഴുക്കുചാലുകള്, അഴുകുന്ന വസ്തുക്കള് എന്നിവയില് സ്ഥിരതാമസമാക്കുകയും പിന്നീട് നമ്മുടെ ഭക്ഷണപാനീയങ്ങളിലേക്ക് നേരിട്ട് എത്തുകയും ചെയ്യുന്നു. ഇങ്ങനെ അവ വഹിച്ചുകൊണ്ടുപോകുന്ന ബാക്ടീരിയകളും ഭക്ഷണത്തില് എത്തുന്നു. ഇത് ഭക്ഷ്യവിഷബാധ, വയറിളക്കം, മറ്റ് അണുബാധകള് എന്നിവയ്ക്കുള്ള സാധ്യത വര്ദ്ധിപ്പിക്കും. ഈ പ്രശ്നം ചെറിയ കുട്ടികള്ക്കും പ്രായമായവര്ക്കും ഒരുപോലെ ദോഷം ചെയ്യും.
ഈച്ചകളെ തുരത്താന് വിലകൂടിയ സ്പ്രേകളോ രാസവസ്തുക്കളോ വാങ്ങി പണം നഷ്ടപ്പെടുത്തേണ്ട കാര്യമില്ല. അടുക്കളയില്ത്തന്നെയുള്ള കുറച്ച് വസ്തുക്കള് ഉപയോഗിച്ച് ഈ പ്രശ്നത്തിന് പരിഹാരം കണ്ടെത്താനാകും.
1 ഗ്ലാസ് വെള്ളം,2 ടീസ്പൂണ് പഞ്ചസാര1 ടീസ്പൂണ് വിനാഗിരികുറച്ച് തുള്ളി ലിക്വിഡ് ഡിഷ് വാഷ്
ആദ്യം ഒരു പാത്രത്തില് വെള്ളം നിറച്ച് പഞ്ചസാര നന്നായി അലിയിക്കുക. വിനാഗിരിയും ഏതാനും തുള്ളി പാത്രം കഴുകുന്ന ഡിഷ് വാഷും ചേര്ക്കുക. ഈ മിശ്രിതം ഒരു പാത്രത്തിലേക്ക് ഒഴിച്ച് ഈച്ചകള് ഏറ്റവും കൂടുതല് കാണപ്പെടുന്ന സ്ഥലത്ത് വയ്ക്കുക.
പഞ്ചസാരയുടെ മധുരവും വിനാഗിരിയുടെ ഗന്ധവും ഈച്ചയെ അതിലേക്ക് ആകര്ഷിക്കുന്നു. പാത്രം കഴുകുന്ന ലിക്വിഡ് ഡിഷ് വാഷ് ഈച്ചകളെ കുടുക്കുകയും അവ രക്ഷപ്പെടുന്നത് തടയുകയും ചെയ്യുന്നു.
ചില ചെറിയ മുന്കരുതലുകളും ഈച്ചകളുടെ പ്രശ്നം ഒരു പരിധി വരെ കുറയ്ക്കാന് സഹായിക്കും
കെമിക്കല് സ്പ്രേകള് ഈച്ചകളെ പെട്ടെന്ന് അകറ്റുമെന്ന് അവകാശപ്പെടുന്നു. പക്ഷേ അവയില് അടങ്ങിയിരിക്കുന്ന രാസവസ്തുക്കള് കുട്ടികള്ക്കും, പ്രായമായവര്ക്കും, വളര്ത്തുമൃഗങ്ങള്ക്കും ദോഷകരമാണെന്ന് തെളിയിക്കപ്പെട്ടിട്ടുണ്ട്. മറുവശത്ത്, വീട്ടില്ത്തന്നെയുള്ള വസ്തുക്കള് ഉപയോഗിക്കുമ്പോള് ശക്തമായ ദുര്ഗന്ധത്തിനോ ആരോഗ്യ പ്രശ്നങ്ങള്ക്കോ സാധ്യത കുറവാണ്.
Content Highlights : Flies are more common during the rainy season. But you can get rid of them using some household items.